في يوم كنا العصر يوم الخميس الساعه 2 بالليل منذ سنه

وشهرين بخيمه بالبر حيث الزهور والربيع والبسباس

والحميض المنتشر في كل مكان حتى تحت المركى اللي

في بيت الشعر وفي شوارب الضيوف

يعني فصل الخريف كان يجنن بصراحه

والوراعين اللي بالحاره لاعب بأيديهم ورجولهم المشق

وصايره شوشهم حمراء من النظافه قالب لونهم

يعني تخيلوا واحد جالس بالجاكوزي طول وقته طبيعي

بيقلب لونهم مع الجاكوزي حقهم اللي كان عباره عن

طشط يتسبحون فيه وتشرب منه غنمهم ونياقهم عادي


روح الاخويه طاغيه


المهم


كنت يوم انام اغمض عين واسكر عين

واشوف بعير جارنا فلاح


يطمر كل يوم خيمتنا ويقزقز ناقتنا


مع العلم ان ناقتنا بنت حلال وتستحي وماعندها

هالسوالف لكن بما انها مزيونه

خقوا معها كل بعارين الحاره


وبصراحه معذورين


انتم لو تشوفون الرمووووش والبراطم اللي لامشت

تتعنقر فيهن من كبرهن

وش الجسم على كلا ناقتنا مستووووره وعيب اوصفها


ومره حلفت اذا شفته يطمر خيمتنا ويبي يقزقز لاانادي



اخوي عواد واخليه ينحره نحرة قطو


وخلها تخرب مع جارنا فلاح ابو ملافخ


هو وزبيرياته اللي قطعها وهو يلعب فيها كوره جنب الغدير

مسوي زين عند البنيات اللي يجيبن الماء

لين غلطت وحده من البنيات اللي هو خاق عندهن

باسمه وقالت له ((رونالدينو))


جاها يركض ويطامر (( يازينها من غلطه ))

واشتكت له من بعيره اللي يبي يجيب العيد في النهايه

وقالها لعيونك يا (( فيفي ))


لانحره لو يتعرض لك


انتي ولا ناقتك (( سميره ))


وفي يوم جلست اراقب هالبعير المستبعر ومسوي فيها

انا وانا قدام البعارين الثانيه واشوفه يمشي وياكل

ساندوش مربى (( وش عليه بعير نعمه ))

وتعدي من جنبه ناقتنا (( سهى )) وقلت ابي اشوف


وش يسوي اخاف يتعرضها واركض واجيب الطرطعان ابي


افجره لو بس يكلمها


شوي وقرب عندها وعرض عليها يقسم ساندوش المربى

بينه وبينها


بس هي رفضت لاننا معودينها ماتاخذ شي من احد غريب


بصراحه اعجبتني يوم رفضت وهذا ان دل على شي


فاانما يدل على الاخلاق العاليه اللي تمتاز فيها ناقتنا


سهى


المهم بعد رفضها للساندوش زعل بعير فلاح وقام صفقها


كف ببراطمه


هي ماهانت عليها كرامتها


تفلت عليه وصارت تجري وتجري وتجري


((البنت مجروحه )) وهو يطامر وراها يبي يعتذر لها على


اللي بدر منه


لكنها ماقدرت توقف لانها كل ما حاولت توقف

براطمها من كبرها وثقلها

تدفعها اللى الامام


فا كملت جري الين وصلت على خط سيارات

وحاول ينقذها


ناداها


سهى



سهى



ســـــــــــــــــــــــــــــهـــــــــــــــى


انتظري يامطفوقه


وقفي ياغبيه ترى الموضوع مافيه مزح او كرامه هذا خط


سيارات


ارجعي ياتنكه


لابوتس يالتكرونيه كيفتس انتي حره


طسي موتت جدي


وطنشته وكملت ركض الين الدموع اعمت عينها


وطلعت على الخط بدون شعور


وطلع لها وانيت

خلاها تونة نياق وماتت سهى


وبعير جارنا فلاح من شدة الحزن كل يوم يمشي لحاله



لا اصحاب ولا بنات اهه قصدي نياق


بس ياحرام من شدة حزنه لبس اكسسواراتها اللي


كانت لابستها يوم الحادث


http://www.m7shsh.com/vb/imgcache/7839.imgcache

هذا بعير فلاح (( اسعد ))



ملاحظه اللي عنده عروس لهذا الداشر يقولي

هات يالموتتر هات

تقول شاص 2006

حلو يا رمااد الشوووق